Отправлено: 04.06.07 00:39. Заголовок: бизни жырларыбыз

башлайыкъ!

 Отправлено: 04.06.07 00:39. Заголовок: Re:

АЛЛАХ БИЗГЕ СЮЙМЕКЛИК ЖАЗДЫ…
Аллах бизге сюймеклик жазды,
Адамла унамайла аны,
Кекдеги Аллахдан кючлюмюд,
Жердеги адамны айтханы.

Аллах бизге насып буюрду,
Адамла сыйыралла аны.
Биз алай тилейбиз табынып,
Нек болмайд Аллахны айтханы.

Тейли болуп жулдузлагъа къарайма,
Отуз жылда акъылымы къурутуп,
Жангыз сени зикир этип турама,
Оразамы, намазымы унутуп.

Кюйсюз болуп айлангандан не файда,
Атангы сени манга берир халы жокъ,
Къалым берип бизге жолну ачаргъа,
Жарлы атамы да малы жокъ.

сезлери Мечюланы Кязимнидиле

 Отправлено: 04.06.07 00:39. Заголовок: Re:

АБЫНА, АБЫНА…
Абына, абына мен барама санга,
Сен ийнанма, ийнанма, ийнанма манга,
Мен сени бла бирге олтурсам,
Чачынгы сыласам,
Башха къыз кёзюме керюнеди, о анам.

Мен сени бла бирге олтурсам,
Чачынгы сыласам,
Башха къыз кезюме кёрюнеди, о анам.

Къараялмайма мен ол ариу, ариу кёзлеге,
Айталмайма мен санга сюймейме,
Экибиз бир жерде олтурсакъ,
Бир бирге ышара къарасакъ,
Сенсиз жашаялмам деп айтама алдап.

Экибиз бир жерде олтурсакъ,
Бир бирге ышара къарасакъ,
Сенсиз жашаялмам деп айтама алдап.

О Аллах, о Аллах, нек сюйдюм ол къызны,
Кече кюн да тапмайма мен тынчлыкъны,
Сени къап-къара кёзлеринг,
Сени узун кирпиклеринг,
Алымдан кетмей къалды ариу сыфатынг.

Сени къап-къара кёзлеринг,
Сени узун кирпиклеринг,
Алымдан кетмей къалды ариу сыфатынг.

Абына, абына мен барама санга,
Сен ийнанма, ийнанма, ийнанма манга,
Сен ариуса угъай демейме,
Кечхинлик мен сенден тилейме,
Башха къызны сенден бек сюйгениме.

Сен ариуса угъай демейме,
Кечхинлик мен сенден тилейме,
Башха къызны сенден бек сюйгениме.

Хасаитланы Р.

 Отправлено: 04.06.07 00:40. Заголовок: Re:

АБЫНГАННЫ…
Ахшы жолдаш бир сёз айтайым санга,
Жюрюмеген абынмайд тюшюн сен анга,
Айланмагъан адам бир да жангылмайд,
Жангылмазлыкъ адам хазна табылмайд.

Абынганны жолундан тюртюп сен жыкъма,
Жангылгъанны ахын айыпха сукъма,
Бир ёуню жангылчы ат тюзеди,
Анга эскере бир кеси терилди.

Абыннганы тутуп ёрге сюесенг,
Ол ёмюрлюк тенгинг болур эсегиз,
Ат кишинесе деп болаллыкъ адам,
Быргъакъ болуп къалса болур аман.

 Отправлено: 04.06.07 00:40. Заголовок: Re:

АЛТЫН КИБИК…
Ариу болмаз сюйгенле
Бир бирни англамасала,
Сен жилямукъларынгы
Тёгюп-тёгюп жиляма.

Алтын кибик бармагъынг,
Кюмюш кибик тырнагъынг,
Сюеме деп айтаса,
Неге къыйнайса мени.

Бийик таугъа миннгенме,
Кёрмей болмайма сени.
Бир кесекхе амал алып,
Шукур да болгъанем.

Алтын кибик бармагъынг,
Кюмюш кибик тырнагъынг,
Сюеме деп айтаса,
Неге къыйнайса мени.

Кёзлеринг кёкдюле сени,
Кёк атлы жалы кибик.
Керегенг сен манга,
Къушха къанатла кибик.

Алтын кибик бармагъынг,
Кюмюш кибик тырнагъынг,
Сюеме деп айтаса,
Неге къыйнайса мени.

Къашынгы бла кезюнгю
Ортасында ай барды.
Санга термилип тургъан
Ненча тюрлю жан барды.

Алтын кибик бармагъынг,
Кюмюш кибик тырнагъынг,
Сюеме деп айтаса,
Неге къыйнайса мени.

Узакъ жолну келирме,
Сени жангыз бир кёрюрге,
Тенгизни жюзюп ётерме.
Чачынга бир тиерге.

Алтын кибик бармагъынг,
Кюмюш кибик тырнагъынг,
Сюеме деп айтаса.
Неге къыйнайса мени.

 Отправлено: 04.06.07 00:42. Заголовок: Re:

АРИУ КЪЫЗ
Дунияда къызчыкъ сенден билеме
Барды игиле, ариула да,
Манга сорсала, мен айтыргъем:
Сенича жокъду дунияда.

Манга сорсала, мен айтыргъем
Сенича жокъду дунияда.

Кери турама, унуталмайма
Сыпатынгы, жюрюунгю,
Сени башхагъа ушамаучу
Ауазынгы, тюрюунгю.

Сени башхагъа ушамаучу
Ауазынгы, тюрюунгю.

Хар бир сыйлы тангны жарыгъына
Атынгы айта тюберме,
Хар ингир сайын ашхам жулдузгъа
Къарап, анга сенсе дерме.

Хар ингир сайын ашхам жулдузгъа
Къарап, анга сенсе дерме.

Тюшюмде сен атымы айтханча,
Элгенип уянырма мен.
Уянып сени табалмагъанлай,
Ой, къалай къыйналырма мен.

Уянып сени табалмагъанлай,
Ой, къалай къыйналырма мен.

 Отправлено: 04.06.07 00:43. Заголовок: Re:

АРИУ МЁЛЕК
Ариу мёлек манга насып келтиргенде,
Жангыз аны жангыз - сениди дегенде,
Кюлюп къойдум ийнанмай сёзлерине,
Бир жара салып аны ачыкъ жюрегине.

Сен манга жашау кибик керексе,
Мен сенсиз жансыз адам кибикме,
Нек кюлдюм къарап кёзлеринге,
Келед мудах мёлек мени тюшлериме.

Жарыкълыкъ кече жер башын басханды,
Кюз арты кюнню ызындан къойгъанды,
Жулдузлу кекде ашыгъып излейме,
Жарыкъ жулдузну къуууанып эслейме.

Сен манга жашау кибик керексе,
Мен сенсиз жансыз адам кибикме,
Нек кюлдюм къарап кёзлеринге,
Келед мудах мёлек мени тюшлериме.

Хасаитланы Р.

 Отправлено: 04.06.07 00:43. Заголовок: Re:

АРИУУМ
Сени къара чачынг табанынга жете,
Кезлеринг кезюр ойнайла.
Узун кирпиклеринг кезлеринги жаба,
Жарыкълыгъынгы жашырадыла.

Сенден ариу болмаз ой жерни юсюнде,
Ариулугъунг ай бла эрише,
Сюймеклик къапханга тюшгенме мен ариу,
Къыйнылмай чыгъаргъа кюреше.

Терк-терк кералмасам мен санга тансыкъдан,
Жюрегим отда кюеди,
Башым къой деседа унамайды жюрегим,
Сени жюрегим бла сюйгенем.

Бир къарасанга сен мени кезюме,
Нечик бек ушайса сен айгъа,
Бармаз жеримдеда барама мен ариу,
Тепсей билмей сен баргъан тойгъа.

Сен абезехде ариу тепсейсе,
Ариу чабак кёлде жюзгенча,
Сен ариучукну чексиз бек сюйгенме,
Тахир Зухураны сюйгенча.

 Отправлено: 04.06.07 00:43. Заголовок: Re:

БАГЪАЛЫ АТАДЫМ АТЫНГА
Багъалы атадым атынга,
Кюсейме барыргъа къатынга,
Жулдузну жарыгъын ийнакълай,
Жашайым мен сени тансыкълай.

Сен мени батмазлыкъ жулдузум,
Сен мени толмазлыкъ умутум,
Бушууну аясуз кюрединг,
Жашауумда бошуна тюбединг.

Алмайды башханы жюрегим,
Атынг бла атады эрттеним,
Кёлюмю айтама сен ийнан,
Сенича дунияда жокъ инсан.

Атынгы мен айтсам акъырын,
Жылайдыла булутла жашыртын,
Узатама санга къолумму,
Кёрмейин аллымда жолуму.

Ол ариу жумушакъ къарамынг,
Ёстюреди жюректе жарамы,
Билмейме болурса кимники,
Тюйюлсе сен... тюйюлсе сен меники!..

Атласам да алгъа теркирек,
Тюбедим мен санга кечирек,
Къарайма ызынгдан сюелип,
Сагъышым хауада чачылып.

Багъалы атадым атынга,
Жарсыйма баралмай къатынга,
Жашауну жылыуу бетингде,
Сакъланырса мени эсимде.

 Отправлено: 04.06.07 00:46. Заголовок: Re:

БЮГЮН АНАМЫ ТУУГЪАН КЮНЮДЮ
Бюгюн анамы туугъан кюнюдю,
Бюгюнден ариу кюн болмаз.
Той оюнладан къууанч кюнде,
Толгъанды бизни кенг арбаз.

Бюгюн анамы туугъан кюнюдю,
Анамдан ариу жан болмаз.
Ана жюрекни жарыкъ жылыуу
Жашау жолумдан апчытмаз.

Бюгюн анамы туугъан кюнюдю,
Бюгюнден гюллю кюн болмаз.
Айтханын этип турсам билеме,
Къартлыкъха кесин хорлатмаз.

Анам, жаным, мыдахланма,
Энди жашыртын ахсынма.
Сабийлерингден къууана сен,
Ёмюрюнг жашасын сау эсен.

 Отправлено: 04.06.07 00:46. Заголовок: Re:

БЕШ ТАУ ЭЛДЕН КЪУРАЛГЪАН
Беш тау элден къуралгъан,
Беш тау элден туралгъан,
Малкъарны тансыкълайма мен.
Анабызны сютюча,
Аны туз гыржыныча,
Сюе эсде тутама мен.

Сюеме тау кырдыкны,
Жаз башы чуакъ кюнню,
Малкъарны танг ариулугъу
Омакъдан омакъ чагъа,
Журтунга юлгю сала,
Келедиле санга сукълана.

Бийик баргъан къаяларынг,
Ахырсыз шауданларынг,
Элиме къууат бередиле.
Тауласыз Малкъар болмаз,
Таулусуз Малкъар онгмаз
Ма олду мени айтырым.

 Отправлено: 04.06.07 00:46. Заголовок: Re:

ГАПАЛАУ
Жайлыкъланы къоруй кетди, ханс болду,
Жарлы балам бу дуниядан тас болду, ой,
Анасына жигит туугъан Гапалау!

Ыстаутда толу къазан къайнайды,
Сени юсюнгде тогъуз а къазыкъ ойнайды, ой,
Анасына жигит туугъан Гапалау!

Къанынг барад къырдыкланы мор этип,
Ижалары елтюрдюле зор этип, ой,
Анасына жигит туугъан Гапалау!

Гапалауну ёлтюрдюле, сойдула,
Жаш къатынын ау тюбюнде къойдула, ой,
Анасына жигит туугъан Гапалау!

Жалчыларынг малларынгы сюредиле,
Ижалары сени ызынгнан киредиле, ой,
Анасына жигит туугъан Гапалау!

Ыстауатынг жилян жырмаз мурсады,
Сени ёлтюрген Ижаланы Мусады, ой,
Анасына жигит туугъан Гапалау!

 Отправлено: 04.06.07 00:46. Заголовок: Re:

ЁЛЕДИ СЮЙМЕКЛИК АРАБЫЗДА
Ёледи сюймеклик арабызда,
Къажау оту жибисине батады,
Ол къолларын сабийча узатады,
Тилейди болушлукъ экибизден,
Сабырлыгъыбыздан, эсибизден,
Алай а къарамларыбыз буздан,
Ёледи сюймеклик арабызда.

Ёледи сюймеклик арабызда,
Мени сюйдюмюмю ехтемимде жанады,
Экибизге алкъа ийнанады,
Алай а бошду бош ышаныуу,
Юйюбюзню жокъ тамычы суу,
Къарайбыз сен да мен да сансыздан,
Ёледи сюймеклик арабызда.

Ёледи сюймеклик арабызда,
Антын, къанатларын кенге жайгъанды,
Жиляй-жиляй ол жанындан тойгъанды,
Бир адыргы еледи термиле,
О, сен ташданса, мен а темирден,
Алай да къарамларыбыз буздады,
Ёледи сюймеклик арабызда.

 Отправлено: 04.06.07 00:47. Заголовок: Re:

ЖАЙГЪЫ ИНГИРДЕ…
Жайгъы ингирде
Къобан таладан
Салкъын аязчыкъ урады.
Сюймеклик салгъан
Жюрек жарадан
Бир мыдах макъам чыгъады.

Жангызлыкъ салгъан
Сагъыш тузакъха
Кесим кесимми байлайма.
Къарап илкерге
Чексиз узакъха
Санга жулдузчукъ сакълайма.

Битхен къанатынг
Айгъа тииере
Учду женгерин табаргъа.
Кезюм къарады
Анга термиле
Сени бла алай ойнаргъа.

Жайгъы ингирде
Къобан таладан
Салкъын аязчыкъ урады.
Сюйген адамым
Бир узакъдады
Болурму менден азабы.

 Отправлено: 04.06.07 00:47. Заголовок: Re:

ЖАНЫМЧА КЕРГЕН…
Жанымча керген, сюйгеним а барды,
Хар кюнден аны жокълайма,
Бир кюн болмасада, бир кюн а болур деп,
Умут юзмейн а сакълайма.

Башыбыздагъы жарыкъ жулдузчукъ,
Ол таула артына батады,
Ариу сыфатынг кезюмден а кетмейди
Тангым аман бла атады.

Мен жолгъа чыгъып аллынга уа къарай
Эки кезюмден бошайма,
Бу сюймеклигим элге уа белгиди,
Болмаз къайгъыгъа къалгъанма.

Мен жырла айта, ол жырла уа жаза
Атынгы жыргъа салгъанма,
Ийнана эсенг мен ант а этеме
Сени сагъына уа жашайма.

Сени сюйгенден жашайалмайма
Башыммы алып кетмесем,
Бу жашау манга уа неге уа керекди
Мен муратыма уа жетмесем.

Кулийланы Х.

 Отправлено: 04.06.07 00:48. Заголовок: Re:

ЖАШЛАДАН ПИСЬМО КЕЛЛЕРИК
Жашладан письмо келлерик
Ала аз келге кетсинле
Къаллай хычыуун тиерик
Жашла лакъырда этсинле

Заман манга жетхен болур
Кёрюрге жаш кёз ачханым
Анамы унутхан этхен болур
Ол кеси къаллай къачханын
Ол кеси къаллай къачханын

Жашла манга къарайдыла
Анамы аны жаратмайды
Ма аны ючюн къайры да
Жангызлай эталтмайды

Заман манга жетхен болур
Кёрюрге жаш кёз ачханым
Анамы унутхан болур
Ол кеси къаллай къачханын
Ол кеси къаллай къачханын

Къалып къачарыкъ суналла
Эшигибизни къапханлай
Мени сакълапмы туралла
Экинде жулдуз чыкъгъанлай.

Заман манга жетхен болур
Кёрюрге жаш кёз ачханым
Анамы унутхан этхен болур
Ол кеси къаллай къачханын
Ол кеси къаллай къачханын

 Отправлено: 04.06.07 00:48. Заголовок: Re:

ЖУКЪЛА АРИУ БАЛАМ
Жукъла ариу балам жукъла къойнумда
Жукълайдыла айтийген жолчукъла
Юйюбюз ала черек бойнунда
Къалкъыйла насып бер талчыкъла

Жукълайдыла зашым къарылгъач жукъла
Элибиз башы Акъ къаяда
Тынчайгъандыла къуш балачыкъла
Къууанчлыкъ тюш кёре уяда

Санга къарайдыла узакъ жулдузла
Бийикге учаргъа чакъара
Мени бла сен жулдуз жулдузла
Къачаргъа къарылгъач халкъынга

Жукъла жашым гюлча тапыракъ юсюнде
Чыкъ бла ойнайды ай жарыкъ
Ахшы муратынг толур ючюннге
Къыяда сакъланып мамырлыкъ
Ахшы муратынг толур ючюннге
Къыяда сакъланып мамырлыкъ

 Отправлено: 04.06.07 00:48. Заголовок: Re:

ЖЫЛЫ АЯЗЧЫКЪ
Къап къара кекде кереме жулдузну,
Окъуйма санга жазгъан назмуну,
Аяз сылайды мени бетими,
Тюз сенича ариу къолларынг.

Узакъ кетхенсе мени да къоюп,
Жанымы къыйнап мен тели да болуп,
Аяз сылайды мени бетими,
Тюз сенича ариу къолларынг.

Жокъду жюрегинг сени ичингде,
Алдатып айтханенг сени сюеме,
Жылы аязчыкъ сылайд бетими,
Тюз сенича ариу къоллларынг.

Энди мен сени хазна унутмам,
Эсимден кетмезсе кез аллымдан,
Жылы аязчыкъ сылайд бетими,
Мен а эсгереме бюгече сени.

Хасаитланы Р.

 Отправлено: 04.06.07 00:55. Заголовок: Re:

КАВКАЗ ТАУЛАНЫ ЖУЛДУЗУ
Жарыкъ тангымы жулдузу
Ариу нюрюмсе сен
Кавказ тауланы жулдузу
Къайсы жерденсе сен

Жан къылыч бетли хурметли
Тауланы къызыса
Нюрлюсе ариу иннетли
Жулдузну къызыса

Айдан кюнден да ариуса
Къууанчлы жаша сен
Айып этме атынгы айт
Къайсы жерденсе сен

Жарыкъ тангымы булбулу
Ариу нюрюмсе сен
Кавказ тауланы жулдузу
Къайсы жерденсе сен

 Отправлено: 04.06.07 00:55. Заголовок: Re:

КЁГАЛА
Кёкле тюбюнде, кёкбаш юйледе
Жашайды ариу Кёгала,
Экибиз бирге кюйюб барабыз,
Кёгала, санга тарала.

Кёкле тюбюнде, кёкбаш юйледе,
Мен а къайгъысыз жашайым,
Тойгъа оюнга къошулмай эдим,
Мен сюймекликден ташайып.

Жарыкъ жулдузча, сени сюйюмюнг
Къууат салады шахаргъа.
Ышаргъанчыгъынг, ала кёзлеринг
Къоймайла бизни жашаргъа.

Бизни тийреге сиз тойгъа келип,
Юйде олутуруп кетигиз,
Бирден кезюме къарап ышарып,
Мени тынчлыкъсыз этдигиз.

Субай санынга ариу жарашхан
Сен кёкбетли чепген кийесе,
Экеулен болуб сени сюебиз,
Сен къайсыбызны сюесе?

Экигизге да бир сезюм жокъду
Жашла сиз ахшы аламат,
Халал тенглени шохлугъун бузсам,
Не айтыр манга жамауат?

Экибиз бирге аллынга келдик
Бир-бирибизден уяла,
Халал тенглени харам этме да
Бирин сайлачы, Кёгала.

Экигизни мен айырмайым,
Бирча багъалы кереме.
Айып этмегиз тюзюн айтайым,
Мен башха жашны сюеме.

 Отправлено: 04.06.07 00:55. Заголовок: Re:

КЁЗЛЕРИНГ КЁЗЮР А ОЙНАЙ…
Кёзлеринг кёзюр а ойнай,
Сёзлеринг жюрекни байлай,
Жюрегиме ауруу бергенсе.
Келиб а къатымда олтуруп,
Жюрегими да толтуруп,
Кёп ахтыннганымы уа кёргенсе.

Керти да сюеме деученг,
Сюймеклик салам бериученг,
Ой, адамла сени бузгъунчу
Башынг а акъылдан толсун,
Жюрегинг таукел а болсун,
Кетейик, ишибиз озгъунчу.

Юйюнгю аллындан къарап,
Мени да узакъдан танып,
Келиб а къолуму тутуучу.
Къара кёзлериме къарап,
Сёлешген сёзюмден танып,
Чайнамай, ичине жутуучу.

Энди уа къатыма да келмейди,
Салам да жазып да иймейд,
Бир кенжи айланып кетеди.
Келип, къатымда олтуруп,
Жюрегими да толтуруп,
Бир аман ачыула этеди.

Кёкледе учхан кёгюрчюн,
Саламла айтсын мени ючюн,
Ол узакъ тауладан келеди
Гюняхымы сен аласа,
Жюрекге жара саласа,
Мен да санга тарапып, ёлюп.

 Отправлено: 04.06.07 00:56. Заголовок: Re:

КЕЛ АРИУЧУГУМ..
Кел ариучугъум алып кетейим
Ой да орайда ой
Бери жуукъ келчи онг жаныма
Ой да орайда ой
Кел ариучугум алыб кетеим
Ой да орайда ой
Келиб сюелчи мени жаныма
Ой да орайда ой

Кел ариучугъум алыб кетеим,
Ой дари дара ой,
Бери жуукъ келчи онг жаныма,
Ой дари дара ой.
Сени анам келин этеим,
Ой дари дара ой.
Олтур мени жангы машынама,
Ой дари дара ой.

Мен кюнню нюрюн, айны жарыгъын,
Ой дари дара ой.
Берликме ариуум, мен сени ючюн,
Ой дари дара ой.
Къанатлыланы ариу жырларын,
Ой дари дара ой.
Берликме ариуум, мен сени ючюн,
Ой дари дара ой.

Кекде жарыкъ жулдузланы барын,
Ой дари дара ой,
Берликме ариуум, мен сени ючюн,
Ой дари дара ой.
Къалгъан кюнлени согъуб алгъанын
Ой дари дара ой,
Берликме ариуум, мен сени ючюн,
Ой дари дара ой.

Кел ариучугъум алыб кетеим,
Ой дари дара ой,
Келиб сюелчи мени жаныма,
Ой дари дара ой.
Кел мен сени насыблы этейим,
Ой дари дара ой,
Олтур мени жангы машынама,
Ой дари дара ой.

 Отправлено: 04.06.07 00:58. Заголовок: Re:

КЕЛ ДА ТЕРЕЗИМИ ТЮБЮНДЕ ШОШ ЖЫРЛА..
Жулдузладан толгъан салкъын кечеледе,
Мен сени излейме, сюеме керюрге,
Кюнюм созулгъанды, булбул жырлагъанды,
Санга саугъа этип терк берирге.

Жарыкъ ышарырса къарарса кезюме,
Жанымы ачарма сеир сезлеринге,
Сени кералмасам, не да эшталмасам,
Чуаакъ жылы кюнюм терк етеди.

Кел да терезими тюбюнде шош жырла,
Кел да чакъыр мени тышына,
Ай да булутланы башындан шош къарайд,
Ариу аузынга тынгылап.

Дуния ачылгъаны мени келюм келсенг,
Тас болуп къалады къайгъы жюрегимден,
Сени бир къарамынг, манга ол дарманды,
Ачы ауруп тургъан жан жарамма.

Кел да терезими тюбюнде шош жырла,
Кел да чакъыр мени тышына,
Ай да булутланы башындан шош къарайд
Ариу аузынга тынгылап.

Кел да терезими тюбюнде шош жырла,
Кел да чакъыр мени тышына,
Ай да булутланы башындан шош къарайд
Ариу аузынга тынгылап.

 Отправлено: 04.06.07 00:58. Заголовок: Re:

КЕЛИН КЕЛЕДИ
Келин киргенди бизни юйюге, жерни жарыта,
Къууанч бергенди жашны, къызына, жарыкъ жырлата.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Келин уяла босагъабыздан басханды,
Къайын анасы алына барып, къучакълагъанды.
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Жашла хайт дегиз, татлы къонакълагъа къарагъыз,
Къууанч этсинле, жарыкъ болсунла, иги жарагъыз,
Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

Къобуз согъулсун, той этилинсин жарыкъ той юйде,
Доммай союлсун, къазан къайнасын жашауну тёлюнде.

 Отправлено: 04.06.07 00:58. Заголовок: Re:

КЕЧЕ КЮН ДА ИЗЛЕЙ САНГА ТЕРМИЛЕ…
Бу хапарны мен айтайым,
Сау дуниягъа билдирип,
Танытырдынг сен кесинги
Унутмаздан сюйдюрюп.

Ортакъ алып тенг жашларынг...
Жулдуз жана къатынгда,
Юсюнгдеги акъ киймге
Нюр тёгюле башындан.

Кече кюнда излей санга термиле,
Келлик заман манга насып буюра
Турама жаным сени амалтын
Кишигеда къарамай.

Тюберикбиз, шыбырдасын жюрегинг,
Тохтамаздан излейме мен ышана,
Сени атламынг мени чакъырад
Тюберик жолубузгъа.

Санга жашла жан бередиле,
Ызынгданда чабадыла,
Жамчылары, ариулары
Санга жырла айтадыла.

Жашаум а чырмалгъанды,
Сеникине байланып,
Кез аллымда ала кезле
Турадыла сайланып.

Кече кюн да излей, санга термиле,
Келлик заман манга насып буюра
Турама жаным сени амалтын
Кишигеда къарамай.

Тюберикбиз, шыбырдасын жюрегинг,
Тохтамаздан излейме мен ышана,
Сени атламынг мени чакъырад
Тюберик жолубузгъа.

 Отправлено: 04.06.07 00:59. Заголовок: Re:

КЕЧЕ ЖУКЪЛАП ТЮШЮМДЕ
Кече жукълап тюшюмде
Суу бойнуна келгенме
Таза сууну ичинде
Толгъан айны кёргенме

Андан чыгъып жаш жигит
Иерин салады атына
Кёзле жумуп башлахынчы
Учуп жетеди къатыма

Шиш тургъузуп жаш атын
Ашын кёрип ышара
Жууукъ жанлап къатыма
Серлеп къойнун агъалады

Жашны сюйдю жюрегим
Сёлеширге уялдым
Ат аякъ тауушундан
Мен элгенип уяндым

Ма ол жашны сыфатын
Кёз аллымдан кетмейди
Къой десем да жюрегим
Мен айтханды этмейди

Ол жигитни мениди
Излейме да тапмайма
Атлы кёрсем кел этип
Бек сагъайып сакълайма
Атлы кёрсем кёл этип
Бек сагъайып сакълайма

 Отправлено: 04.06.07 00:59. Заголовок: Re:

КЁЗЛЕРИНГ КЁЗ КЪАМАТАЛЛА
Сени бетинг гюл дегенча
Ышарады жарыкъсанг
Ёмюрюнгде сюйгенинча
Къууандан жашарыкъса

Жашаунг да сагъышып
Кёп затладан ариуду
Бёгюлсе уа алгъышынг
Тамблагъы къарыуду

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Сенде барды табыракъ ийсенг
Жашауну бла жанлыкъны
Жыйылып жарыкъ кюлкюсюн
Жери юсю къууанчлыкъны

Кёкден жан бла да ариу жулдузча
Ариулугъунг сени
Кёкде бийик жулдузча
Насыбымса сен мени

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

Кёзлеринг кёз къаматалла
Чыкъгъан жылан жылтырай
Къашларынг къоюп тарталла
Къарылгъач къанатынлай

 Отправлено: 04.06.07 00:59. Заголовок: Re:

КИМ ЧАЧСЫН МЕНИ САГЪЫШЫМЫ
Ким чачсын мени сагъышымы,
Къатымда мыдахды бир адам,
Атымы айтып ахсынаса,
Жыламукъ агъады мыйымдан.

Ким чачсын мени сагъышыммы,
Бу адам менден кетеди,
Чыммакъ акъ сыйлы насыбымы
Къап-къара боран элтеди.

Ким чачсын мени сагъышымы,
Жазыугъа бойсунмайды жюрек,
Ким чачсын мени сагъышымы,
Кёк да тюйюлдю манга бюгюн кёк.

Ким чачсын мени сагъышымы,
Жарсыудан да жокъду шафагъат,
Юзгенге мени къанатымы,
Чыкъмасын ёмюрюнде къанат.

 Отправлено: 04.06.07 01:00. Заголовок: Re:

КЪАРАЧАЙЫМ-МАЛКЪАРЫМ
Къууанч уллуду Къарачайда Малкъарда,
Таула къаплай эштиледиле хар къайда,
Тар ёзенле жарыкъ жырладан толуп,
Узакъ барады эжиу бла орайда.

Бир ананы эки эгиз жашыча,
Минги тауну тенг эгиз башыча,
Тау къушну да эки деу къанатыча,
Аллайсыз сиз Къарачайым Малкъарым.

Жыйылгъанбыз жырыбызгъа сый бере,
Тау элледе бюгюн энтда бир кере.
Жюрекледен чыкъгъан ариу жырланы,
Жырлайбыз биз жарыкъ кёзлени кёре

Бир ананы эки эгиз жашыча,
Минги тауну тенг эгиз башыча,
Тау къушну да эки деу къанатыча,
Аллайсыз сиз Къарачайым Малкъарым.

Жырларыбыз бизге себеп берсинле,
Кюн таякъча хар бир юйге кирсинле,
Атларыбыз берген жырла сакъларгъа,
Ёмюрледен ёмюрлеге ётсюнле.

Бир ананы эки эгиз жашыча,
Минги тауну тенг эгиз башыча,
Тау къушлада эки деу къанатыча,
Аллайсыз сиз Къарачайым Малкъарым.

Эки миллет бир миллетни болайым
Бир къууанчдан бир насыпдан толайым
Арабызда таула чырмау болмазгъа,
Жюреклеге ачыкъ жолла салайым.

Бир ананы эки эгиз жашыча,
Минги тауну тенг эгиз башыча,
Тау къушлада эки деу къанатыча,
Аллайсыз сиз Къарачайым Малкъарым.

Бир ананы эки эгиз жашыча,
Минги тауну тенг эгиз башыча,
Тау къушлада эки деу къанатыча,
Аллайсыз сиз Къарачайым Малкъарым.
Аллайсыз сиз Къарачайым Малкъарым.
Аллайсыз сиз Къарачайым Малкъарым.

 Отправлено: 04.06.07 01:01. Заголовок: Re:

КЪОБУЗЧУ КЪЫЗ
Къобузчу къыз бирчик жырла
Къулакъ салайым
Тилейме ашыкъмай тур да
Кёзюнге къарайым
Назик ёрюм тамашады
Шендю чакъгъанча
Тауланы зынгырдатады
Шоркъа акъгъанча

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча
Акъ чакъгъанча балий терек
Жарыкъ ким тийгенди
Тынгысызны сюйген жюрек
Сени бек сюйгенди

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча
Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Сени жырынг жюреклени
Тынч жаратады
Учуз ётмек тёлегинги
Жастаны атады
Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча

Назик ёрюм тамашада
Шендю чакъгъанча
Тауланы зынгырт атады
Шоркъа акъгъанча
Къобузчу къыз бирчик жырла
Къулакъ салайым
Тилейме ашыкъмай тур да
Кёзюнге къарайым

Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча
Назик ёрюм тамашады
Шендю чакъгъанча
Тауланы зынгырт атады
Шоркъа акъгъанча

 Отправлено: 04.06.07 01:02. Заголовок: Re:

Мадина Ксанаева 313 дней назад Цитата
КЪУУАНЧ ХАЛГЪА БЁЛЕДИЛЕ ТЮШЛЕРИМ...
Къууанч халгъа бёледиле тюшлерим,
Мен аладан хаман сени кёреме.
Битеу ахшы умутланы жыйгъанча,
Гюллени да жыйып санга береме.

Минги таудан ариу тау болмаз
Дунияда санга жетхен жан болмаз.
Жанымдан сюйген…къаракъаш.

Сюймекликни сезалмагъан жазыкъла,
Боладыла сюйгенлеге кюлюрге.
Сени атынг мени антым болгъанды,
Ол антымы сакъларыкъма ёмюрге.

Минги таудан ариу тау болмаз
Дунияда санга жетхен жан болмаз.
Жанымдан сюйген…къаракъаш.

Ант этеме бу сыйлы таула бла,
Башларындан къычырырча болгъанма.
Бу дуниягъа сен мени ючюн туугъанса,
Бу дуниягъа мен сени ючюн туугъанма.

Минги таудан ариу тау болмаз
Дунияда санга жетхен жан болмаз.
Жанымдан сюйген…къаракъаш.

 Отправлено: 04.06.07 01:02. Заголовок: Re:

КЮНДЮЗЛЕ КЕТЕЛЛЕ, КЕЧЕЛЕ КЕЛЕЛЛЕ…
Кюндюзле кетелле, кечеле келелле,
Кече да кетеди танг белги берсе.
Мен а не кеталмай, не мында туралмай,
Ашырып барама заманны терсхе.

Тауладама бюгюн, кюн жарыкъ болурмуд,
Тауладама бюгюн, ол болур эсен,
Мен да Шималадама, тулпанга къарайма,
Негерим да жокъду кесим бла ма мен.

Жашауум жарыкъды, хар нем да ашхыды,
Алай а узакъды менден биреулен,
Кюндюз да, кече да, мен ачы тилейме,
Аллах сен айырма ол къызны менден.

Тансыкъдан елеме, жыр анга шагъатды,
Кесекден барлыкъма мен сени таба,
Башхагъа алданма, бетинги сен сатма,
Бедишлик билесе жюрекге къама.

 Отправлено: 06.06.07 17:35. Заголовок: Re:

07 Классная тема, давно меня интересовали именно слова песен, поскольку плохо знаю язык. Хотелось бы к этому еще добавить просьбу, кому не трудно, написать их переводы. Пусть не складные, но все же. Думаю, это поможет в изучении балкарского языка не только мне))))

 Отправлено: 06.06.07 17:45. Заголовок: Re:

надо перевод Косте поручить,а потом в стихотворную форму Фантомас что бы привел ))))

 Отправлено: 06.06.07 17:55. Заголовок: Re:

Это такой труд ты что?????? Мдяяяяяяяяяяяяя....................

 Отправлено: 06.06.07 18:18. Заголовок: Re:

Танзи,эт нелегко...но и мы поможем ))))) в смысле я рифмовать помогу ))))))

 Отправлено: 06.06.07 18:20. Заголовок: Re:

капиТошка пишет:

цитата:

но и мы поможем )))))

Ну в принципе я тоже могу помочь ради такого дела.

 Отправлено: 06.06.07 21:17. Заголовок: Re:

Да рифмовать и не обязательно. Моя корыстная цель в этом лишь одна: Я хочу, слыша песню, зная ее слова- знать ДОСЛОВНО о чем она!!!!!! так что не надо сильно напрягаться с рифмами, пусть лучше перевод будет построчный!!!!!

 Отправлено: 06.06.07 21:47. Заголовок: Re:

Taulu007
а рифмовать для себя просто ))) и Олегу интересно будет...надеюсь ))))))))

 Отправлено: 16.06.07 08:44. Заголовок: Re:

Об этом мне балкарцы рассказали
Как исповедь сомнения полна...
Была история полна печали ...
И в ней балкарцев боль отражена. ...

"Да, было так по странному веленью,
Нам приговор тот не понятен был...
Бросали мы обжитые селенья ...
И на восток народ наш уходил.

Бессилен был кинжал, и мы молчали,
И верность Родине был наш ответ,
И наши горы, полные печали,
Смотрели долго, долго в след.

Но нет, мы не забыли наш кавказ,
Мы там его еще сильней любили,
Но только очень многоие из нас
До возвращенья так и не дожили.

Забыв обиды, горе и страданье,
Позор перенесенный без вины,
Тогда бы мертвые вернулись из изгнанья
Погибшие совсем не от войны..."

Однажды я увидел на рассвете,
Когда пошел послушать песню скал,
В коричневом поношенном бешмете
Седой балкарец камни целовал.

 Отправлено: 16.06.07 08:54. Заголовок: Re:

Взошла луна над Северным Кавказом...
Гори костер аланский, согревай.
Что день не суждено начать намазом,
Уснув, не думал мирный Карачай.

А в это время, кое где не спали,
Хоть шел тяжелый ... 43-й год...
Чтоб власть Отца народов уважали,
Решили выслать маленький народ.

Чекисты рассчитали очень мудро:
Когда аулы спали тихим сном,
В холодное ноябрьское утро
Был окружен войсками каждый дом.

И времени на сборы не давая,
Сажали всех людей в грузовики,
Прикладом непокорных подгоняя,
Стояла цепь солдат, примкнув штыки...

Седой старик в углу сидел, молился...
Намаз закончить - командир не дал,
Но через борт, один солдат, украдкой,
Потрепанный Коран его отдал.

Петляет в гору узкая дорога.
Внизу стоит пустой Кичи-Балык...
И вот ... случайно..., иль по воле Бога...,
С людьми в обрыв сорвался грузовик.

Застыли горы в траурном молчанье...
Нельзя мгновенье повернуть назад.
А остальные думали в печали,
Что их оплачет горный водопад...

Загнали их в товарные вагоны
И повезли в далекий Казахстан.
Не выносили многие дороги
И погибали от душевных ран.